bas intzaar ho raha hai,
aaur tab tak hota rahega,
jab tak intzaar khatm nahi ho jata !
samay tan kar ,
subah ki parchhyi ban jati hai,
aaur raat ,
raat aakhe miche padi rahti hai!
jaise kuch dekhna hi nahi chahti !
daudte daudte ghari ki suiyaa bhi,
ulti chalne lagti hai ,
aisa hota hai bharam intzaar ka.
sandeh nahi,
tab ubaou lagta hai ekant,
rengta hua balu par,
apni chhap chorta hua !
sannata har taraf,
lagta hai bas,
apni hi awaj laut kar aa rahi hai !
aaur baar baar kahti hai ,
janti ho kya kahti hai,
tum bahut piche rah gaye,
bahut piche,
itna piche,
ki aab aage nikalne ke liye langhni hogi wo dahliz,
jise hum saamaj kahte hai,
aaur tab mai mar jata hoon,
jane kitni martaba mara ,
ab har wo chiz jise kayde se rakhni chiyhe ,
use maine bandh diya hai !
No comments:
Post a Comment